In the beginning...

...var ekki neitt.  Svo kom "the mother of all bangs" og hnoðaði saman efnamassa i hringlóttu líki, eða það sem við köllum í daglegu tali, Jörðina.  Svo urðu efnin betri og betri vinir, og frumur og örverur frömdu hópreiðar með þeim árangri að fjölskrúðugt samansafn af frumuklösum þróuðust í það sem við köllum lífverur.  Hér vil ég taka fram að ég veit ekkert um hvort að einhver æðri öfl eða Guð hafi eitthvað spilað inn í, enda þekki ég manninn eða öflin ekki neitt (ekki í þjóðskránni).  Svo komu risaeðlur og loks spendýr og maðurinn þróaðist í það sem hann er í dag.  Svo spólum við aðeins áfrma, svo djöfulli þægilegt að spóla í dag, hægt að velja spóltakkann með strikinu (tæknin í dag sko).  En Allavega.  Svo varð ég til (og líkaminn minn, sem hefur staðið á bakvið mig í gegnum þunnt og þykkt, þó aðallega þunnt).

Þannig er þróunarsagan í stuttu máli og með þeim orðum hefst, án efa, magnaðasta vefsíða sem nokkurn tímann hefur verið gerð í heiminum, þ.e.a.s. úr banka.  En já velkominn, ég sjálfur og þið hin (eða þú hinn).  Þetta verður rosalegt.  Veit ekki hversu duglegur ég verð en býst ekki við miklum dugnaði á sunnudögum.

Word up.... ást, friður og hamingja,

Óls

Ps: JS-341, Nissan almera.  Bílstjóri þessa bíls er hér með valinn morgunbílstjóri dagsins, enda með ólíkindum hvernig menn geta séð rautt úr grænu, hægri úr vinstri og ekki neitt með virkum augum.  Sem sagt "it´s not a good thing" að vera valinn morgunbílstjóri dagsins og reyndar nokkuð auðvelt, þar sem skap mitt á morgnana er engum til eftirbreytni.